Кошаркарите на Њујорк постигнаа победа на гостувањето кај Бостон, па така „трипл-даблот“ на домашниот играч Раџон Рондо остана без ефект. Бекот на Бостон натпреварот го заврши со 23 поени, 11 асистенции и 10 скокови и не успеа да ја спречи низата од пет порази по ред.
Во редовите на победничката екипа најефикасен беше Кармело Ентони со 28 поени и 9 скокови.
На другите два НБА натпревара одиграни ноќеска: Орландо – Торонто 95:97 и Феникс – Лос Анџелес Клиперс 93:88.
Вечерва играат: Вашингтон – Минесота, Атланта – Бостон, Мајами – Детроит, Кливленд – Милвоки, Чикаго – Голден Стејт, Мемфис – Бруклин, Њу Орлеанс – Хјустон, Далас – Сан Антонио, Сакраменто – Оклахома Сити и Лос Анџелес Лејкерс – Јута.
Пласман Источна конференција: Мајами 27-12 (победи-порази), Њујорк 26-14, Бруклин 26-16, Чикаго 25-16, Индијана 26-17,…
Пласман Западна конференција: Оклахома Сити 33-10, Сан Антонио 34-11, Л.А.Клиперс 32-12, Мемфис 27-14, Голден Стејт 26-15,…