По шампионската титула во сениорска конкуренција, екипата на МЗТ Скопје Аеродром го освои трофејот и во кошаркарска лига до 20 години, позната како Развојна лига.
Аеродромци синоќа во салата „Македонски Херои“ во Скопје, во финалето го совладаа Вардар со 82:73.
Адем Мекиќ со 21 поен, 7 скокови и 3 украдени топки беше најдобар играч во победничкиот состав, каде се истакнаа и Љубомир Младеновски со 16 поени и 11 скокови, како и Андреј Цветковски кој постигна 20 поени.
Во тимот на Вардар најдобар беше Дејан Лазарески со 15 поени и 5 асистенции.
Како увертира на финалниот натпревар се одигра и средбата за третото место меѓу Карпош Соколи и Шкупи на кој славеа „соколите“ со 81:73.
Филип Бакоч беше најефикасен кај Соколи со 26 поени и 9 скокови и заедно со Андреј Атанасов (27 поени, 5 скокови, 4 асистенции) и Иван Сапунџиев (18 поени, 5 скокови) беа носители на победата.
Кај Шкупи, Емир Ештрефи беше повторно најефикасен со 28 поени и 12 скокови, а одличен меч одигра 16-годишниот Енис Реџеп, реализирајќи 21 поен со 2 асистенции.
Поголем дел од кошаркарите во овие четири веднаш почнуваат со подготовки за репрезентацијата на Македонија до 20 години, што летово ќе игра на Европско Првенство во Унгарија.