Ако треба и ќе се гине…Тоа е девизата на дефанзивецот Висар Муслиу, како порака за нацијата во пресрет на финалниот натпревар од Лигата на нации против Грузија, последниот чекор за пласман на Европското првенство. Мечот се игра в четврток, на 12 ноември во Тбилиси.
„Прво е најважно сите да бидеме здрави и да се подготвиме што е можно подобро. Знаеме што следува, што носи за нас овој натпревар. Три години ова го чекаме. Ќе гинеме на терен, ќе дадеме се од себе, за да ја однесеме македонската репрезентација на Европско првенство. Игравме два меча, но ова ќе биде еден сосема поинаков дуел. Мислам дека сме подготвени да дадеме се од себе и да победиме“, изјави Муслиу.