Муцунски: Вардар и Комити добиваат нов спортски терен во Аеродром, поддршката за клубот продолжува и во иднина

Од:

Вардар е емоција, македонски спортски бренд со кој сите се гордееме, а ние со задоволство го поддржуваме. Ова на својата фејсбук страна го напиша градоначалникот на Општина Аеродром, Тимчо Муцунски кој објави видео од новиот спортски терен наменет за фудбалскиот клуб Вардар.

Станува збор спортско игралиште лоцирано во непосредна близина на СЦ „Јане Сандански“ кое Општина Аеродром го обнови со поддршка на општествено одговорни компании. Обновата опфаќа целосна реконструкција на соблекувалните, нова трева и нов систем за наводнување на тревата.

Поддршката на фудбалскиот клуб Вардар и навивачката група Комити доаѓа на иницијатива на претседателот на советот на Општина Аеродром, Дејан Митески и градоначалникот Тимчо Муцунски кој во својата објава истакна дека таа поддршка продолжува и во иднина.

„Поддршката за Комити и Вардар доаѓа на наша иницијатива и таа соработка ќе продолжи и понатаму, затоа што силен Вардар значи многу за македонскиот спорт и за младите фудбалски таленти кои ќе се градат и создаваат во иднина“, истакна Муцунски во својата фејсбук објава.

Би можело да ве интересира

Муцунски: Силата на солидарноста е главната карактеристика на НАТО сојузот, а во случајот со трагедијата во Кочани беше демонстрирана од се срце

Активно работиме на враќање на повредените во пожарот во Кочани кои се лекуваат во странство, вели Муцунски

ВИДЕО: Трошоците за лекување се на земјите-домаќини, Владата ги покрива сите потреби за семејствата на повредените во странство

Катерина Ѓуровски

Муцунски ги посети македонските граѓани кои се хоспитализирани во Словенија

А1он

Муцунски: Благодарам на Србија за помошта, вашата земја, лекарите и народот беа меѓу првите што реагираа

А1он

Таравари: Сите пациенти хоспитализирани во Солун се во стабилна состојба