Министерот за надворешни работи на Македонија, Тимчо Муцунски, денеска им се заблагодари на Србија и на српскиот народ за сета помош и емпатија дадена по повод трагедијата во Кочани.
Откако српскиот премиер Милош Вучевиќ се потпиша во книгата на жалост во амбасадата на Македонија во Белград, тој и се заблагодари на Србија што смести голем број пациенти во медицинските установи и дека е меѓу првите што помогна.
„Ви благодариме што сместивте голем број пациенти и направивте се што е потребно. Премиерот Вучевиќ и министерот Марко Ѓуриќ беа меѓу првите кои не контактираа, не само за да покажат емпатија, туку и да дадат поддршка и помош. Вашата земја, лекарите и народот беа меѓу првите кои реагираа. Ви благодариме за се што направивте, како и на вашиот медицински персонал“, рече Муцунски во Белград.
Во Србија 29 повредени лица со тешки изгореници се сместени во четири здравствени домови.
