Српскиот тенисер Новак Ѓоковиќ летово се врати во САД откако минатата година му беше забранет влез во земјата, бидејќи не беше вакциниран против корона вирусот, а тоа беше доволен мотив Србинот прво да го освои Синсинати, а потоа и УС Опен, вкупно 24. Грен слем во кариерата. Она што до сега не се знаеше е дека Ѓоковиќ имал придружба со него поради статусот на вакцинација.
Како што пишува американски „Њујорк пост“, познатата фармацевтска компанија „Модерна“ – која направила и вакцина против корона вирусот, ангажирала поранешен агент на ФБИ за време на УС Опен да го следи Ѓоковиќ. Наводно, Ѓоковиќ бил ставен во групата на „славни личности со висок ризик“ поради неговиот став за вакцината против коронавирусот.
Покрај него се споменуваат и најбогатиот човек на светот Илон Маск и холивудскиот актер Расел Бренд. Така, компанијата формираше оддел кој ги следеше нивните ставови за вакцината против корона вирусот, а беше ангажиран и агент на ФБИ. Засега не се знае каква била неговата улога во овој случај и на кои начини го следел Ѓоковиќ. Сепак, јасно е дека ги загрижуваше Ѓоковиќ, како противник на нивната вакцина, да го освои турнирот во Њујорк.
„Тој се спротивстави на вакцината и не му беше дозволено да се натпреварува на УС Опен во 2022 година, а потоа на крајот се врати и го освои турнирот спонзориран од Модерна. Ова само ги засили тврдењата дека вакцините се непотребни“, се вели во извештајот објавен од американскиот медиум.
Според нивните информации, агентот кој го водел овој оддел се вика Ники Рутман и поминал повеќе од 20 години во служба на американските разузнавачи, а посебно следеле како се пишува за оваа тема на социјалните мрежи.