Вкупно 10 екипи ќе настапат на ракометниот турнир кој денес ќе се одржи во спортската сала на гимназијата ,,Методи Митевски Брицо”. Организатор на настанот е Ракометниот клуб Делчево, чиј тренер Горан Велков, информираше дека ќе се игра по меѓународните правила на ракометната игра.
-На турнирот ќе настапат 10 екипи како во машка така и женска младинска конкуренција. Покрај домашната екипа имаме екипи и од Струмица, Тетово, Радовиш, Свети Николе, а тука е и јуниорската екипа на скопски Вардар. Првата средба е закажана за 10 часот додека финалните натпревари се во попладневните часови, истакна Велков.
Додаде дека ракометните екипи се поделени во групи, а најдобрите ќе играат меѓусебе во финалните натпревари.
Турнирот се одржува по повод 75 години од ослободувањето на Делчево.