Новата генерација на македонската фудбалска репрезентација до 21 година вчеравечер ја победи Ерменија и покажа дека поседува квалитет и потенцијал да го повтори резултатот на своите претходници кои се пласираа на Европското првенство.
Селекторот Благоја Милевски е задоволен од стартот во новиот квалификациски циклус.
– Мора да кажам дека одигравме навистина одличен натпревар, а момците покажаа дека имаат квалитет и потенцијал да бидат максимално конкурентни и во овој квалификациски циклус. Може само да им честитам на начинот на кој одиграа во Ереван, и да кажам само едно големо „Браво“,изјави Милевски.
Македонија на гостински терен ја совлада Ерменија со 3:0 и ги освои првите три бода во квалификациите за ЕП 2019.