Ристе Пандев е единствениот македонски атлетичар кој ќе настапи на 22.Европско првенство за младинци кое се одржува во Риети, Италија.
Пандев денеска (во 11:40 часот) ќе се појави на стартот на квалификациите на 100 метри во дисциплина во која се пријавени 48 атлетичари.
Македонскиот атлетичар е и сениорски рекордер на Македонија со истрчани 10.61 секунди на 15 јуни годинава, што воедно значеше и норма за Европското првенство.
Пандев кој е член на АК „Струмица“ е предводен од неговиот тренер Ванчо Стојанов.