Англискиот клуб – Тотенхем го засили играчкиот кадар по доаѓањето на аргентинскиот играч – Алехо Велиз.
Велиз има само 19 години, игра на позицијата централен напаѓач, а дојде за сума од 15 милиони евра од тимот Росарио Централ. Тој ja парафираше соработката со раководството до летото 2029 година.
„Кога првпат дознав за се што се случува и дека клубот е заинтересиран за мене, да бидам искрен, не можев да верувам. Ова е прекрасен клуб и се надевам дека ќе го искористам максимумот на моите можности и ќе настапам најдобро што можам. Доаѓам овде со голема желба да бидам ефикасен. Јас сум целосно на одборот и 100 проценти фокусиран на задачата што ја имам овде. Навистина сум среќен и благодарен што моето семејство е тука со мене, тие се секогаш со мене, а јас целосно исполнувам еден сон, доаѓам овде во толку огромен клуб. Ќе дадам се од себе да ја искористам мојата шанса и се надевам дека овде се ќе ми оди максимално добро“, изјави Велиз.