Ливерпул во новата сезона влегува со нов тренер Арне Слот, а еден од фаворитите за титулата во Англија на првиот натпревар од сезоната ќе го претстави новиот клупски грб.
Стариот клупски грб го красеше клупскиот дрес претходните 32 години, а новиот го содржи само основниот клупски симбол, Ливер птицата и кратенката LFC.
Сликата на портата на Енфилд, двата факели во чест на навивачите кои загинаа на Хилсборо и слоганот „Никогаш нема да одиш сам“ беа отстранети од новиот грб, додека клубот го наведе дигиталниот маркетинг како причина за промената.
Do you like the new logo? 🔴🧑🏼💻 pic.twitter.com/YLQ8s5LfbY
— The Anfield Buzz (@TheAnfieldBuzz) August 12, 2024
„Новиот грб ќе се користи за претставување на Ливерпул на сите платформи за социјални медиуми на клубот, официјална веб-страница и мобилна апликација. Птицата Ливер ќе се користи и во дигитален и ТВ контекст следната сезона во националните и меѓународните медиуми, вклучително и емитувачите домаќини на Премиершип “, додаде Ливерпул на својата официјална веб-страница.
На надворешниот ѕид на клубот ќе остане стариот грб.
„Повеќе од 86 проценти од посетителите на Liverpoolfc.com и 98 проценти од корисниците на социјалните канали на клубот доаѓаат од мобилни уреди, така што постои потреба брендирањето на клубот да биде многу појасно и повидливо на помалите екрани. Како што е најавено , стариот грб ќе остане на надворешниот ѕид на Енфилд“, открија од англискиот гигант.