Актуелниот европски првак, Челзи е единствениот тим со максимален учинок по три одиграни кола во Премиер лигата.
„Сините“, викендов ги очекува дуел со градскиот ривал Квинс Парк Ренџерс. Избраниците на Ди Матео се фаворити, но вниманието сепак ќе биде насочено кон Џон Тери (Челзи) и Антон Фердинанд (КПР), поради вербалниот дуле кој го имаа во минатата сезона.
Тогаш, Фердинанд, по натпреварот го обвини Тери за расизам, целиот случај заврши на суд, каде капитенот на Челзи беше ослободен од обвинувањата.
Целата јавност со нетрпение очекува да види дали двајцата фудбалери ќе си подадат рака пред почетокот на мечот.
Останатите аспиранти за титулата се фаворити против своите опоненти, со исклучок на Манчестер Сити кој ќе гостува во Стоук. Манчестер Јунајтед го пречекува Виган, а Арсенал ќе игра против Саутемптон.
Екипите на Ливерпул и Тотенхем, кои имаат разочарувачки старт на првенството гостуваат кај Сандерленд односно Рединг.
Сабота, 15. септември:
Норич-Вест Хем
Арсенал-Саутемптон
Астон Вила-Свонси
Фулам-ВБА
Манчестер Јунајтед-Фулам
КПР-Челзи
Стоук-Манчестер Сити
Сандерленд-Ливерпул
Недела, 16. септември:
Рединг-Тотенхем
Последниот меч од четвртото коло, во понеделник ќе го одиграат Евертон и Њукасл.