Попладнево беа одиграни првите полуфинални натпревари на фудбалскиот Куп на Македонија.
Фудбалерите на Пелистер во Битола го совлада составот на Академија Пандев со 2:1 со пресврт. Гостите од Струмица поведоа во 31-та минута со голот на Атанасов.
Во второто полувреме се разбудија домаќините, откако прво Маневски во 61. минута го израмни резултатот, а Илијовски во 90-та минута му донесе пресврт и конечна победа на Пелистер.
Локалното тетовско дерби меѓу Шкендија и Ренова пак заврши без победник 1:1.
Ренова прва дојде до водство со голот на Стојановски во 12-тата минута, а резултатот го израмни Емини во 26-тата.
Реванш-дуелите ќе се играат на 11 април од 16 часот.