Екпата на КПР се избори да го игра баражот за влез во Премиер лигата откако синоќа на домашен терен по продолжение го победи Виган со 2:1. На првиот натпревар резултатот беше 0:0.
Гостите поведоа со голот на Џејмс Перч во 9.минута, а потоа Чарли Остин во 73.минута од пенал изеначи на 1:1. Истиот играч во продолжението во 96.минута ги постваи конечните 2:1 и донесе триумф за својот тим.
За влез во Премиер лигата КПР ќе игра против Дерби Каунти, кој го елиминира Брајтон. Дерби постигна две победи во дуелите со Брајтон 4:1 (дома) и 2:1 (гости).
Бараж дуелот е закажан за 24 мај на „Вембли“ во Лондон.