Бразилскиот фудбалски клуб Коринтијанс сериозно е заинтересиран за играчот од средниот ред на Реал Мадрид, Кака, јавуваат шпанските медиуми.
Коринтијанс му понудил на Кака двапати пониска плата отколку што има во Реал, но и гаранција дека ќе има многу поголема минутажа од онаа што ја добива во „кралскиот клуб“.
Можно е добитникот на „Златната топка“ во 2007 година да прифати намалување на примањата на сметка на место во првите единаесетмина.
31-годишниот Бразилец кој од Милан 2009 година во Реал дојде како супер засилување, со мадридскиот клуб има актуелен договор до 2015 година.