Репрезентацијата на Колумбија предводена од Џејмс Родригез го совлада Уругвај со 2:0 со што се пласира во четвртфиналето каде ќе игра против селекцијата на Бразил.
Долго ќе се говори за првиот гол на фудбалерот на Монако, кој со волеј-удар од свртување од преку 20 метри го матираше Муслера, кревајќи ги на нозе колумбиските фанови на стадионот.
Конечните 2:0 беа поставени на стартот од вториот дел, Колумбија одигра фантастична акција што резултираше со центаршут на вториот дирек, оттаму Куардадо ја врати топката во срцето на шеснаесетникот, каде Родригез рутински ја смести во мрежата за својот петти мундијалски гол, со кој овој фудбалер моментно е најдобар стрелец на СП 2014.