Ракометарите на Хрватска во последното коло од втората фаза на Европското првенство беа поразени од Франција со 30:27, што значи трето место во групата. Со тоа ги разочараа хрватските навивачи кои очекуваа медал на првенството кое што се игра во нивната земја, а најлошо од сите помина голманот Мирко Алиловиќ.
По поразот од Франција, разочарувањето во земјата беше огромно, а група хулигани, отиде предалеку. Тие како главен виновник за неуспехот го прогласиле голманот Алиловиќ и му ја каменуваа куќата.
Тоа на социјалните мрежи го соопшти неговата сопруга, Ива Алиловиќ.
– По поразот некој ни ги искршил прозорците на куќата, а оштетен е и кровот. Имаме доста материјална штета, напиша Ива.
Таа изреволтирана објави дека не сака нејзиниот сопруг да брани за хрватската репрезентација.
– Го проколнувам секое негово патување со репрезентацијата. Ова му беше последен пат, напиша таа.