Најдобриот македонски тенсиер Томислав Јотовски стартуваше со победа на фјучрс турнирот што се игра во Телави, Грузија. Тој го победи домашниот тенсиер Николоз Давлианидзе со 2-0 во сетови. Мечот траеше 92 минути.
Првиот сет Јотовски го доби со 6:1 во гемови, а во вториот ривалот имаше водство од 2:0 и 3:1, но нашиот тенсиер направи серија од пет гемови и сетот го заврши со 6:3.
Во следното коло Јотовски, кој настапува како петти носител на турнирот ќе игра со победникот од мечот Манфред Фелини (Италија) и Шунсуке Вакита (Јапонија). Во конкуренција на двојки Јотовски настапува заедно со Унгарецот Виктор Филипенко и рангирани се како трети носители.