Најдобриот стрелец во историјата на Првата лига, Бесарт Ибраими, постигна два гола во дресот на Струга Трум Лум во првиот меч по враќањето во македонскиот шампионат. По една година во странство, тој покажува дека ќе биде огромно засилување за стружани.
„Секој почеток е тежок, па така најважно од сѐ беше да се освојат бодовите. Го почнавме првенството со победа и среќен сум што дадов голови со кои му помогнав на тимот. Се надевам дека вака ќе продолжиме и на наредните мечеви и дека нашите навивачи ќе уживаат, зашто и нивната поддршка многу значи за овој тим“, изјави Ибраими.
Денеска се играат уште два натпревари од Првата лига. Во Кратово се среќаваат Силекс – Работнички, а во Струмица ќе играат Академија Пандев – Брегалница.
Извор: Топспорт