Ракометарите на Хрватска вечерва беа поразени до 30:27 од селекцијата на Франција, со што домаќините не успеаја да обезбедат пласман во полуфиналето на Европското првенство.
Хрватите заостануваа зад Франција во текот на целиот натпревар, па резултатот на полувремето беше 13:19.
Најблиску што стигна Хрватска е на -1, при крајот на натпреварот, но сепак Французите брзо се консолидираа и стигнаа до победата.
Од оваа група Франција оди во полуфиналето како првопласирана, а покрај неа понатаму оди и Шведска. Швеѓаните имаат исто поени колку и Хрватска и Норвешка, но во натпреварите помеѓу тие три селекции имаат најдобра гол разлика.
Во втората група, Шпанија со 31:27 ја совлада Германија со што обезбеди пласман во полуфиналето, покрај Данска, која што беше сигурен патник уште од вчера.