Британскиот возач Луис Хамилтон од „Мерцедес“ забележа најбрзо време на денешниот прв тренинг пред викенд случувањата од шампионатот во Формула 1 на патеката „Нирбургринг“ за Големата награда на Германија.
Хамилтон оствари време 1:31.754, втор беше неговиот клупски колега Нико Розберг со заостанување од 0,2 секунди, а третото место му припадна на Марк Вебер од „Ред Бул“ со нешто повеќе од секунда заостанување.
Шампионот Себастијан Фетел („Ред Бул“) тренингот го заврши на осмата позиција.
Денешните возења поминаа без проблеми со гумите „Пирели“ какви што се случија на минатонеделната трка во Силверстоун.
Попладнево ќе се вози и вториот тренинг, утре се квалификациите, додека в недела од 14 часот е главната трка.