Фудбалерот од средниот ред на Манчестер сити, Џек Грилиш ги сподели своите впечатоци од играњето за клубот од „Етихад“.
– Цената од 100 милиони фунти значи дека кога сте во сушна сезона, луѓето прашуваат дали вредите за парите. Каде се неговите голови, каде се неговите асистенции? Го разбирам тоа, но морам да го сметам за привилегија што клубот сакаше да потроши толку многу пари на мене и се надевам дека ќе можам да се оддолжам со голови и трофеи.
Играњето во Лигата на шампионите е сосема различно од играњето во Премиер лигата – никогаш порано не сум играл во европските натпреварувања и навистина сакав. Слушањето на химната на Лигата на шампионите е неверојатно, ве тера да се стегнете – одеднаш тоа е сон. Ова е еден од трофеите што играчите на Сити навистина сакаат да го освојат, изјави Грилиш за „Скај спортс“.
Дваесет и шестгодишниот Англичанец се пресели во Манчестер сити од Астон Вила во летото 2021 година за 117,5 милиони евра.
Во тековната сезона Грилиш одигра 20 натпревари за „граѓаните“, постигнувајќи три гола и три асистенции.