Најдобриот тенисер на светот, Новак Ѓоковиќ, се врати на теренот по пауза од 14 дена поради позитивниот тест на коронавирус. Ѓоковиќ направи целосна тренинг сесија со Виктор Троицки, во неговата академија во белградската населба Дорќол и вели дека се чувствува добро.
– Не сум сигурен дали ќе играм на УС Опен. Планирам да ги играм Мадрид, Рим и Ролан Гарос во септември, рече тој во интервју за „Спортски журнал“.
Ѓоковиќ го одигра својот последен натпревар во Задар на „Адрија Тур“, каде требаше да игра и во финалето, но тоа беше откажано откако Бугаринот Григор Димитров доби позитивен тест на Ковид-19. Набргу потоа, Новак се врати во Србија, каде што беше тестиран со сопругата Јелена, а резултатите покажаа дека и тие се заразени.