Вториот светски рекет Новак Ѓоковиќ денеска и официјално почна да работи со својот нов тренер Андре Агаси.
Првиот заеднички тренинг Ѓоковиќ и Агаси го имаа денеска на терените во „Роланд Гарос“ во Париз, каде в недела и официјално ќе стартува вториот овосезонски Гренд слем турнир, Отвореното првенство на Франција.
Фотографии на двајцата поранешни најдобри тенисери во светот, сега во улога на играч и на тренер, ги преплавија социјалните мрежи и се денешна топ тема од тенисот.
Dream team = @AndreAgassi + @DjokerNole #RG17 pic.twitter.com/QlKyigicpQ
— Roland-Garros (@rolandgarros) May 25, 2017
Новак Ѓоковиќ по ланскиот триумф на „Ролан Гарос“ се соочи со голем пад и криза во кариерата, во која по серијата слаби резултати ја загуби водечката позиција на АТП листата.
Србинот неодамна ја прекина соработката со тренерот Марјан Вајда и со целиот тренерски тим со кој работеше долго време и тргнува во нов почеток под водство на Андре Агаси, со кој ќе се обиде да го одбрани трофејот во Париз.
