Пласманот на Германија во финалето на Светското првенство во Бразил дава можност оваа репрезентација со евентуален триумф да испише нова страница во фудбалската историја.
На светските првенства досега одржани на американските континетни (Јужна Америка и Северна и Средна Америка) не победила европска репрезентација.
– Знаеме дека можеме да влеземе во историјата. На овој континент доминираат репрезентациите од Јужна Америка. Зошто ние да не бидеме први, кои ќе ја прекинат таа традиција. За нас ќе биде дополнителна радост ако станеме светски прваци како Европјани во Јужна Америка, изјави селекторот на Германија, Јоаким Лев.
Германците трите титули светски прваци ги освоија на шампионати одржани во Европа: 1954 година – Швајцарија; 1974 – Западна Германија (Германија) и 1990 година – Италија.