Германската национална фудбалска селекција вечерва загуби со 2:1 на домашен терен од македонската фудбалска репрезентација во третото коло од квалификациите за СП 2022, што е првиот пораз за „Панцирите“ на квалификациските турнири на светските шампионати уште од 2001 година.
Вкупно, поразот во првото одмерување на силите со нашата селекција е само трет за Германија во мундијалските квалификации: во 2001 година, таа загуби од Англија (1:5), а во 1985 година – од Португалија (0:1).
Прекината е рекордната серија победи на „панцерите“ од 18 натпревари во квалификациите за СП, додека серијата без пораз изнесуваше 35 натпревари (30 победи и пет нерешени средби).
Германската репрезентација сега е на третото место во квалификациската група Ј, зад Ерменија, која има девет бода и Македонија, која е втора со шест.