Француската полиција истражува случај во кој 18-годишниот Клеман Л. на 21 август 2026 година во Нантер е обвинет за организирање разбојништва во група.
Младиот Французин е осомничен дека бил еден од организаторите на серија напади врз куќи и планирани киднапирања.
Според истрагата, групата од 11 април до 19 август подготвувала или извршила напади на различни локации во околината на Париз и Бургундија. Наводни цели биле сопственици на компании, еден рапер, но и фудбалерот на Реал Мадрид, Килијан Мбапе.
На Клеман Л. му е одреден притвор и е сместен во самица, додека неговиот наводен соучесник е пуштен да се брани од слобода под судски надзор.
🔵INFO LE PARISIEN | En prison pour vol en bande organisée et proxénétisme, un jeune homme de 18 ans projetait de s’en prendre à 26 personnes
Cette bande projetait d’enlever et d’agresser des chefs d’entreprise, mais aussi un rappeur et… le footballeur Kylian Mbappé
➡️… pic.twitter.com/GYzxRCmgVx
— Le Parisien (@le_Parisien) September 2, 2026
Обвинителството пред Апелацискиот суд во Версај истакнало дека станува збор за млад човек кој веќе бил во затвор поради сериозни кривични дела, а сега повторно се нашол во центарот на истрага во која се вклучени познати јавни личности.
„Овој млад човек веќе бил во затвор поради сериозни дела, а сега го наоѓаме во нов случај кој вклучува рапер и познат фудбалер“, изјавил заменик-обвинителот, образложувајќи дека изолацијата е мерка со која може да се спречи продолжување на криминалните активности.
Мбапе, според досегашните информации, не е осомничен ниту обвинет во овој случај. Неговото име се споменува единствено како наводна цел на планирано киднапирање.