На Светското првенство во атлетика во Москва големо внимание привлече Дарија Клишина, и тоа не само затоа што беше домашна натпреварувачка, туку и поради својот изглед.
Клишина ја сметаат за една од најубавите спортистки на светот и овојпат брoјните фотоапарати беа насочени кон Русинката, која, покрај тоа што се натпреварува во скок во далечина, за живот заработува и како модел.
Дваесет и двегодишната атлетичарка е актуелна европска шампионка во сала во својата дисциплина, но на Мундијалот во Москва не се прослави. Скокна 6,76 метри, што беше доволно само за седмото место. Нејзиниот најдобар резултат во кариерата изнесува 7,05 метри.
Секако една од поубавите на ова првенство е и Србинката Ивана Шпановиќ која се прослави со национален рекорд и бронза во истата дисциплина со скок од 6,82 метри.
Ана Чичерова, домашната миленичка која секако ќе го напаѓа златото во скок во височина.
Тука е уште една Русинка, 31-годишната светска рекордерка и двојна олимписка и светска шампионка во скок со стап, Јелена Исинбајева.
Хана Енгланд, ја претставува Велика Британија на 1500 метри.
Алисон Феликс, можеби најуспешната американска атлетичарка на сите времиња, има 4 олимписки и 8 светски трофеи, нејзината дисциплина е 200 метри, но трча и на штафетите 4х100 и 4х400.
Фабиана Мурер од Бразил, актуелна светска шампионка во скок со стап.
