Трикратниор Свтески шампион, Германецот Себастијан Фетел е победник на Големата награда на Бахреин, откако доминираше речиси во текот на целата трка.
Тој ги мина 57-те кругови на оваа патека за време од 1:36.00.498 часа и за повеќе од девет секунди му побегна второпласираниот Кими Раиконен. Место на подиумот доби и Роман Грожан, а на четвртата позиција се најде Пол Ди Реста.
Марк Вебер во самиот финиш загуби две позиции и беше седми, откако го минаа Луис Хамилтон и Серхио Перез.
Фернандо Алонсо имаше многу проблеми на оваа трка, но на крајот сепак успеа да ја заврши како осми и да освои два бода, Розберг успеа да стигне само до деветтата позиција, а Џенсон Батон беше десетти.