Фудбалерите на Металург го добија дерби натпреварот против Вардар откако поладнево на „Железарница“ во Скопје со двоен пресврт и 3:2 беа поуспешни од „црвен-црните“.
Металург поведе во 42.минута со голот на Марјан Радески и со водство од 1:0 замина на полувреме.
Вардар во вториот дел изедначи преку Остоја Стјепановиќ од пенал во 72.минута, а во 80. минута со голот на Аце Стојков дојде во водство од 2:1. Домаќините преку Марко Симоновски најпрвин во 88.минута изедначија на 2:2, а во 90.минута дојд0а до победата.
На другите натпревари од 21.коло во Првата македонска фудбалска лига одиграни попладнево постигнати се следниве резултати: Напредок – Турново 0:0, Брегалница – Ренова 0:0, Пелистер – Силекс 2:1 и Шкендија – Дрита 2:1.
Вчера Работнички – Тетекс 1:0.
Табела: Вардар 42 бодови, Хоризонт Турново 39, Металург 35, Напредок 35, Шкендија 32, Работнички 30, Брегалница 28, ренова 28, Пелистер 24, Дрита 24, Силекс 18 и Тетекс 13.