Џени Прие, девојката на Лука, братот на најдобриот светски ракометар Никола Карабатиќ, и призна на полицијата дека се обложила на пораз на Монпеље во спорниот натпревар на француското ракометно првенство, после кој „подигна“ повеќе од 200 илјади евра.
„Џени Прие се обложила на пораз на Монпеље по наредба и со пари кои и ги дал Лука“ – изјави адвокатот Антоан Каму.
Да потсетиме, се работи за нелегално обложување кое наводно се случило во мај оваа година.
Гостувањето на Монпеље кај Сесон Рен се случило во време кога била обезбедена титулата шампион на Франција и немало поголема резултатска важност. Во исто време, во обложувалниците коефициентот за победа на Рен бил 45.
На играчите и на сите вплетени во овој скандал, им се заканува до пет години затворска казна.