Тениската асоцијација на Соединетите Американски Држави (USTA) го казни Русинот Даниил Медведев со вкупно 42.500 долари за неспортско однесување за време на неговиот натпревар во првото коло на Отвореното првенство на САД против Французинот Бенџамин Бонзи, објави денес Би-Би-Си.
Инцидентот се случил во третиот сет со резултат 5:4 во корист на Бонзи, кога фотограф влегол на теренот помеѓу првиот и вториот сервис на Французинот.
Судијата Грег Аленсворт му наредил на Бонзи да го повтори својот прв сервис, што го налутило рускиот тенисер и предизвикало жестока реакција од публиката. Мечот бил прекинат повеќе од шест минути додека не се смири атмосферата.