Фудбалерите на Челзи вечерва пред своите навивачи го играат еден од клучните натпревари во борба за место во Лигата на шампионите. Противник им е петтопласираниот Тотенхем, кој исто така има шанса за настап во Лигата на шампионите.
Ова е натпревар од 33.коло кој беше одложен поради настапот во ФА купот на Челзи.
Доколку победат „сините“ од Лондон ќе имаат значајна предност пред градските ривали, четири бодови од Арсенал (4.место) и шест од Тотенхем (5.место).
Синоќа се одиграа два одложени натпревара: Манчестер Сити – Вест Бромвич Албион 1:0 и Виган – Свонси 2:3.
Со победата Манчестер Сити го обезбеди пласманот во Лигата на шампионите, а Виган кој двапати водеше, испушти шанса за помирна завршница во последните две кола.