Раководството на бразилскиот фудбалски прволигаш Атлетико Параненше планира бесплатно да ги вакцинира своите играчи, вработените во клубот, како и навивачите кои редовно плаќаат членарина.
Атлетико не објави колку членови има, а медиумите наведуваат дека пред пандемијата бројката изнесувала меѓу 20.000 и 30.000. Месечната членарина изнесува околу 60 долари.
Претходно оваа недела, бразилскиот Конгрес усвои закон со кој на приватните компании им се дозволува да купуваат вакцини кога ќе бидат достапни на пазарот.
-Атлетико Параненше ги повикува сите институции вклучени во фудбалот и тие да помогнат да се извојува победа над пандемијата на Ковид-19, соопшти бразилскиот фудбалски клуб.