Репрезентацијата на домаќинот Бразил ќе игра против Германија во првиот полуфинален меч на Светското првенство, откако во четвртфиналето ја совлада Колумбија со 2:1.
Бразилците преку Тиаго Силва во 7. минута од натпреварот дојдоа во водство од 1:0, а Давид Луиз од слободен удар во 69. минута го зголеми водството за Бразил на 2:0.
Колумбија се врати во игра откако Хамес Родригес од пенал на десет минути до крајот намали на 2:1.
По постигнатиот гол, Колумбија целосно се пресели пред голот на Жулио Цезар, но Бразилците успеаја да издржат до крај и да се радуваат на полуфинале.