Италијанскиот репрезентативец Марио Балотели би можел да биде замената во Ливерпул за Луис Суарез доколку Уругваецот направи трансфер во Барселона.
Претставниците на Ливерпул и Барселона веќе ги почнаа преговорите околу трансферот на Суарез на „Камп Ноу“.
Англиските медиуми пренесуваат дека Ливерпул е подготвен дел од 80.те милиони фунти кои клубот би ги добил од продажбата на Суарез, да ги потроши за ангажман на Балотели.
Менаџерот на Италијанецот неодамна изјави дека „Супер Марио“ би можел да го напушти Милан, затоа што во италијанските медиуми е прикажан како главен виновник за раната елиминација на „азурите“ на СП во Бразил.
Балотели минатата сезона за Милан одигра 41 натпревар и постигна 18 голови.