Кошаркарите на Атланта остварија нова важна победа во борбата за првата позиција во плеј-офот откако ноќеска пред своите навивачи го победија Хјустон со 104:96.
Во финишот на првиот дел Хјустон имаше водство од 57:39, но Атланта со тројката на најефикасниот Џеф Тиг (25 поени) на 4:24 минути до крајот поведе со 91:90.
Во редовите на Хјустон поради казна (еден натпревар) не настапи Џејмс Харден.
Иако беше најавено дека поради повреда нема да игра Перо Антиќ, тој беше во составот и постигна три поени.
На другите НБА дуели беа постигнати следниве резултати: Њујорк – Сакраменто 86:124, Шарлот – ЛА Лејкерс 104:103, Кливленд – Бостон 110:79, Чикаго – Вашингтон 97:92, Мемфис – Јута 82:93 и Денвер – Милвоки 106:95.
Пласман Источна конференција: Атланта 48-12 (победи-порази), Торонто 38-22, Чикаго 38-23, Кливленд 38-24, Вашингтон 34-27, Милвоки 32-28, Мајами 26-33, Бруклин 25-33, Шарлот 25-33,…
Пласман Западна конференција: Голден Стејт 46-12, Мемфис 42-17, Хјустон 41-19, Портланд 39-19, ЛА Клиперс 40-21, Далас 40-22, Сан Антонио 36-23, Оклахома Сити 33-27,…