Фудбалерите на Астон Вила остварија важна победа во борбата за опсатнок во Премиер лигата откако синоќа на последниот натпревар од 35. коло го победија Сандерленд со 6:1.
Стрелци на головите за домаќините беа: Влар во 31.минута, Вајман 38, Бентеке во 55, 59 и 72 минута и Агбонлахор 88.минута. Единствениот гол за Сандерленд го постигна Роуз во 32.минута кога изедначи на 1:1.
Покрај трите бода Астон Вила со убедливата победа ја подобри и гол разликата. Екипата од Бирмингем има 37 бодови исто колку и Сандерленд на 15.место и Њукасл, кој е 17-ти.
Во опасната зона се Виган 32 бода и веќе отпишаните КПР и Ридинг со по 25 бода.