Фудбалската репрезентација на Македонија веќе два дена се наоѓа во Хаифа, Изреал каде вечерва во 20:45 часот (21:45 по локално време) го игра натпреварот од 7.коло од квалификациите за Светското првенство во Русија 2018. Играчите синоќа имаа можност и да тренираат на стадионот „Сами Офер“, кој е со капацитет од 30.780 гледачи каде ќе се игра натпреварот.
– Во Скопје победи Израел, ние создадовме многу шанси, а се надевам дека на овој натпревар ќе имаме и добра реализација. Верувам во овој избор на играчи и мислам дека имавме добри подготовки и во натпреварот ќе влеземе максимално подготвени за да постигнеме добар резултат, истакна селекторот Игор Ангеловски.
Јунак на дуелот во Скопје беше голамнот на Изреал, Гореш кој го одбрани и пеналот на Едис Јаџовиќ во последната минута.
– Не го знам составот на противникот, кога ќе го имам ќе можам поконкретно да кажам нешто. Се надевам дека кој и да биде на голот нема да биде така успешен како голманот на Изреал на дуелот во Скопје, изјави Ангеловски.
Македонија и Израел имаат одиграно четири натпревар меѓусебе и Израел има победи на сите дуели.
Натпреварот ќе го суди Алексеј Есков од Русија.