Италијанските медиуми, кои инаку се многу критични, задоволни се со резултатите од првата овосезонска трка, односно од тоа дека Кими Раиконен за 12,5 секунди беше побрз од возачот на Ферари, Фернандо Алонсо.
Се чини дека сите се задоволни од тоа што Фетел не дојде до победата во Мелбурн.
Од таборот на Ферари за најголем ривал оваа сезона го сметаат Ред Бул и Себастијан Фетел. И самиот Фернандо Алонсо Ред Бул го карактеризираше како најголем противник на стазата.
„Јасно е дека се најбрз тим во шампионатот. На трката во неделата имаа одредени проблеми со гумите, што им спречи да го покажат својот максимум“ – изјави Шпанецот.
Со Алонсо се согласува уште еден поранешен шампион, австриецот Ники Лауда, кој смета дека Фетел нема причина за грижа. Лауда верува дека веќе на следната трка во Малезија, Ред Бул ќе ја покаже својата вистинска сила.