Американските квалификации за настап на Олимписките игри донесоа уште еден неверојатен резултат.
Спринтерката Алисон Феликс патеката од 200 метри ја истрча со време од 21,69 секунди, што е четврти најдобар резултат во светото на сите времиња.
Резултатот на Феликс уште повеќе добива на значење бидејќи тоа е најдобриот резултат во светот истрчан во последните 14 години.
Феликс на патеката од 200 метри го освои првото место пред Кармелита Џетер (22,11) и Сања Ричардс (22,22).
Алисон Феликс во кариерата на оваа делница има два сребрени медали во Атина 2004 и Пекинг 2008 година. Во Лондон Феликс за златниот медал ќе се бори со спринтерката од Јамајка Вероника Кембел-Браун.