И покрај тоа што имаат дури 12 бодови негатива во однос на Манчестер Јунајтед, фудбалерите на Сити не се откажуват од трката за титулата.
Серхио Агуеро е еден од тие кои силно веруваат дека можат да го стигнат, па дури и да го поминат на табелата моменталниот лидер во англиското фудбалско првенство.
„Верувам дека сеуште имаме шанси да ја освоиме титулата. Не смееме да се откажеме, дури и кога изгледа претешко. Ви гарантирам дека ќе се бориме се до самиот крај. И понатаму имаме ист пристап кон играта. Даваме се од себе за да ги постигнеме нашите цели. Секако воопшто не е лесно да си сконцентриран како на почетокот на сезоната, но ние ќе сториме се во рамките на нашите можности, за да дојдеме до првата позиција“ – вели Агуеро.