Ермедин Адем (28) потпиша со екипата на Македонија Ѓорче Петров. Адем минатата сезона настапуваше во редовите на Ренова, а сега по пет години повторно се враќа во дресот на „лавовите“
Екипата продолжува да се засилува пред првото коло од квалификациите за Лига Европа, каде ќе се сретне со Алашкерт од Ерменија
– Се вратив дома! Среќен сум што сум повторно во Ѓорче, во добро позната средина и едвај чекам да го дадам својот максимум и да му помогнам на клубот во исполнување на следните предизвици, рече Адем за клупскиот сајт на Македонија ЃП.