Значајни смени се случија во раководниот врв на албанската полиција, јави дописникот на МИА.
Директорот на полициската управа за Тирана, Ардиан Чипа е именуван за заменик генерален директор на државната полиција. Тој доаѓа на местото на Хаки Чако, кој на почетокот на овој месец беше назначен за вршител на должноста генерален директор на албанската полиција, по оставката на Артан Диди.
На местото на Чипа, за нов диретор на полициската управа за Тирана е именуван Ервин Ходај. Неритан Налбати е нов директор на полицискиот комесаријат Елбасан, Бехар Чака е прв човек на комесаријатот во Валона, додека Ребан Јаупај прв човек на секторот за економски криминал во државната полиција.
Неодамна Томо Ходај беше именуван за нов шеф на Интерпол Тирана.