Семејството на Алон Охел, српски државјанин кој го држи Хамас во Појасот Газа, соопшти дека добиле информација дека тој е жив, но дека му е потребна лекарска помош.
Тие посочуваат дека ова е првпат да добијат потврда дека е жив, откако поминал повеќе од 490 дена во енклавата.
Алон Охел беше задржан во тунелите во Газа заедно со неодамна ослободените израелски заложници, се вели во соопштението на неговото семејство во изјавата на израелската група „Форум за заложници и исчезнати семејства“.
Семејството вели дека ослободените заложници ги известиле дека Алон е жив, но дека е повреден и не му била укажана лекарска помош.
„Среќни сме и возбудени што знаеме дека тој е жив, но уништени сме и шокирани од тешката физичка и психичка состојба во која се наоѓа, како и од злоупотребата низ која продолжуваат да минуваат заложниците“, велат од семејството.
Меѓу заложниците што ги зеде Хамас на 7 октомври 2023 година беше и Алон Охел, млад пијанист роден во Нови Сад, а засега нема потврда дека е жив.
Почесниот конзул на Србија во Израел, Александар Николиќ, претходно за РТС изјави дека Алон треба да биде ослободен во втората фаза од прекинот на огнот.