Авион на компанијата, Бирман Бангладеш Ерлајнс на лет од Дака до Дубаи, денеска принудно слета на аеродром во Читагонг, по обидот за киднапирање, изјави Шакил Мираџ, висок претставник на компанијата за „Ројтерс“.
По слетувањето на аеродромот во источниот дел на Бангладеш, полицијата и војската го опколија авионот.
„Во авионот имаше 142 патници и сите безбедно го напуштија леталото“, изјави Мираџ.
Локалните медиуми пренесуваат дека вооружен напаѓач се обидел да влезе во пилотската кабина.