Акцијата „Коштана 2015“ во која учествуваа полицајци од седум земји, а се одвиваше на српско-македонскиот граничен премин Прешево – Табановце, денеска заврши, а според оценката на учесниците даде добри резултати во борбата против кријумчирањето на луѓе, јави Танјуг.
Во акцијата учествуваа припадници на полицијата од Македонија, од Австрија, од Словенија, од Босна и Херцеговина, од Црна Гора и од Албанија.
Од Македонија во Србија во текот на годината влегле околу 180.000 мажи, жени и деца од земјите од Блискиот Исток, а за време на акцијата, која почна на крајот од септември, некои од мигрантите беа интервјуирани.
Акцијата е организирана во согласност со Планот на работа на Програмата за гранична безбедност (ДЦАФ) – Центар за безбедност, развој и владеење на правото во соработка со српската Управа на граничната полиција.
– Акцијата покажа дека регионот може, знае и сака заеднички да соработува за решавање на важните прашања, истакна директорот на ДЦАФ, Антон Травнер.
За време на акцијата спроведени се 160 интервјуа со ирегуларни мигранти – со 66 Сиријци, 48 Авганистанци, 17 Ирачани.