Чешкиот министер за надворешни работи Лубомир Заоралек денеска изјави дека стабилноста на Балканот е од клучно значење.
– Балканот не смее да се дестабилизира, тоа е наш заеднички интерес, изјави Заоралек по повод формирањето на Фондот на Западен Балкан, чиј основачки документ беше потпишан денеска во Прага, во рамки на состанокот на земјите од Западен Балкан и Вишеградската четворка.(Чешка, Словачка, Унгарија и Полска).
– Очекувам, фондот да придонесе кон тоа и да стане клучен елемент за регионална соработка, додаде Заоралек, додавајќи дека тој е формиран по пример на Вишеградскиот фонд, кој од 2000 поттикнува соработка на В4 во областа на културата, науката и образованието.
Како што јави дописникот на МИА од Прага, Заоралек изјави дека земјите на В4 донирале средства во Фондот, но не ја соопшти конкретната сума.
Потпретседателот на Европската комисија, Франс Тимерманс во своето обраќање нагласи дека интеграцијата на земјите на Западниот Балкан во ЕУ е екстремно важна .
Токму интеграцијата на земјите учеснички на Прашкиот европски самит (ПЕС) беше поддржана во заедничка декларација.
Беше прифатена и декларација која се однесува на миграмтската криза, која според Заоралек, треба итно да се решава во рамки на ЕУ, но и во соработка со соседните земји.
Вишеградската четворка исто така се договорила создавање на мрежа на координатори, кои ќе се посветат на соработка во областа на химанитарната и останата помош за западниот Балкан.
Фондот за Западен Балкан претставува конкретен чекор кон зајакната регионална соработка на Македонија, Србија, Албанија, Црна Гора, БиХ и Kосово и со него првата година ќе претседава Тирана.
Вишеградскиот фонд е меѓународна организација со седиште во Братислава, која ја финансираат четирите членки, Чешка, Словачка, Полска и Унгарија). Целта на фондот, кој рамномерно го полнат членките, е да помогне и да промовира развој и поблиска соработка меѓу граѓаните и институциите во регионот, како и меѓу земјите од В4.