Еден припадник на црногорската армија загина, а друг се здоби со тешки телесни повреди при гаснење пожар во регионот Куча, соопшти Министерството за одбрана.
– Инцидентот се случил кога цистерната за вода со која управувале се превртела – се вели во соопштението.
Црногорската армија, во соработка со надлежните органи, спроведува истрага за да се утврдат причината и околностите на несреќата.
Началникот на Генералштабот на црногорската армија, бригаден генерал Миодраг Вуксановиќ, пристигнал на местото на настанот по дознавањето за несреќата.
– Јавноста ќе биде навремено известена за сите дополнителни информации – соопшти Министерството за одбрана.