Црногорската министерка за здравство Јелена Боровиниќ-Бојовиќ денеска изјави дека се укинува мерката за задолжителен негативен тест за Ковид-19.
Властите објавија извесно олабавување на заштитните мерки против ширењето на коронавирусот – се укинува забраната за меѓуградски превоз за време на викендот, но останува забраната за собири, со нагласок на прославата на Стара нова година и Василица.
– Прославите на Нова година според Јулијанскиот календар се забранети и на отворено и во затворен простор, истакна Боровиниќ-Бојовиќ.
Таа наведе дека угостителските објекти ќе продолжат да работат од седум до 20 часот, но и дека останува забраната за музика во живо.